Tidsramme: 1-2 skuletimar
Rom: Klasserommet eller andre stader
Utstyr: Testbitar av ulikt materiale, som til dømes plast, papir, tre, tekstil og aluminiumsfolie. Vatn, lys og andre faktorar som materiala blir påverka av.
Les teksten om Frøhvelvet på Svalbard. Alle frøa blir oppbevarte i posar av aluminiumsfolie.
1 Dette lurer vi på
Problemstilling: Kvifor har forskarane valt å bruke aluminiumposar til frøa?
2 Lag hypotesar
Kva trur de er grunnen til at dette materialet er valt og ikkje eit anna materiale? Start hypotesane med "Eg trur dei har valt å bruke aluminiumposar fordi…"
Hypotese 1:
Hypotese 2:
Hypotese 3:
3 Legg ein plan
No skal de teste hypotesane. Lag fem like store testbitar av ulikt materiale, slik som til dømes plast, papir, tre, tekstil og aluminiumsfolie. Legg ein plan for korleis de kan undersøkje korleis testbitane blir påverka eller blir endra av til dømes vatn, temperatur, tettleik og lys. Ikkje start med testinga før planen er heilt klar!
4 Test hypotesane
Set opp kva undersøkingar de vil teste ut på dei fem ulike materiala og gjer forsøk. Skriv notat og ta bilete av det de gjer.
5 Drøft og samanfatt
Kva har de funne ut med forsøka? Stemmer nokre av hypotesane, stemmer dei litt, eller stemmer dei ikkje i det heile?
6 Del med andre
Fortel nokon heime eller på skulen om det de har funne ut om aluminiumposane.
Send gjerne bilete til oss i Nysgjerrigper av forsøka de har gjort nys@forskningsradet.no