Elefantungar treng bestemor

Er du glad i bestemor di? Det er elefantungar også!

Elefantunger (Medium caseimage)
03. mai 2018 05:00
Av: Irene Inman Tjørve, skribent
Tema: Oppvekst, Biologi, DYR OG NATUR, Dyreverden

Vaksne hannelefantar lever for seg sjølv det meste av tida. Men hoene og ungane lever i familieflokkar. Som andre familiar leikar dei saman og er glade i kvarandre. Dei stoler på kvarandre og hjelper kvarandre. Og dei sørgjer når ein i familien døyr.

Hoa er sjefen

I elefantflokken er det alltid ei gammal ho som er sjef. Ho blir kalla matriarken. Ho er mor, syster, tante og bestemor til dei andre i flokken. Ho er den som veit kvar flokken kan finne noko å ete, kvar dei kan finne vatn, og kvar det er trygt å ferdast.

Større sjanse for å overleve

Forskarar har funne ut at elefantungar som lever i same område som bestemor si, har åtte gonger større sjanse for å overleve enn dei som ikkje har bestemor i nærleiken. Dei fann også ut at dess fleire ungar bestemor sjølv har fått, dess betre sjansar har barnebarna hennar for å overleve. Dette er veldig viktig å vite når vi skal passe på at elefantar overlever og har det bra. Det er viktig at dei får ha bestemor i nærleiken - ikkje minst i dyrehagar, der mange elefantungar ikkje overlever.

Publisert i Nysgjerrigper nr. 1-2018. 

(FOTO: SHUTTERSTOCK) 

Relaterte artikler

  1. Planter kan bedøves (30.08.2019)
  2. Verdens første apekloninger (06.08.2019)
  3. Lure fuglar spreier skogbrann med vilje (21.05.2019)
  4. Hvorfor fryser ikke trærne i hjel om vinteren? (21.02.2019)
  5. Brunbjørnen passer ungene sine lenger (28.01.2019)
  6. Fann den første kjente kjempedinosauren (27.11.2018)
  7. Har sjimpanser eller mennesker de skitneste sengen ... (19.11.2018)
  8. Forkjølelsesvirus - hvor kommer det fra? (13.11.2018)
  9. Mygg husker farlige folk (12.11.2018)
  10. Hva skjer når et dyr i naturen dør? (12.11.2018)
  11. Den mystiske ålen (08.11.2018)
  12. Mammatre tar seg av ungane sine (07.11.2018)
  13. Lek i gamle dager: Da ingen voksne passet på (25.10.2018)
  14. Får hakkespetter hjernerystelse? (23.10.2018)
  15. På jakt etter hoggorm (19.09.2018)
  16. Fossile oppdagelser (17.09.2018)
  17. Mestere i forvandling (17.09.2018)
  18. Er humlemordaren funnen? (13.09.2018)
  19. Møt ein forskar: sosiolog Mette Løvgren (10.09.2018)
  20. Kråkeboller liker bølger (10.09.2018)
  21. Flere relaterte artikler