Færre slangar i verda
23. jul 2010 06:00
Forskarar har funne ut at det har blitt færre slangar i verda dei siste tolv åra. Dette synes dei er ganske så mystisk.
Faktisk er så mange som to av tre slangeartar som forskarar følgjer med på, på kraftig retur. Det ser heller ikkje ut til at denne endringa kjem til å snu med det første. Nedgangen gjeld dessutan i nesten heile verda.
Eit ledd blir borte
For deg som har slangefobi er dette kanskje gode nyheiter? Men sanninga er at slangane er ein viktig del av mange økosystem. Eit økosystem er sett saman av ulike organismar som er avhengige av kvarandre for å fungere. Kvart ledd av organismar (planter og dyr) et eller nærer seg av leddet framfor seg og samtidig utgjer dei næring for leddet som kjem etter. Så når eit ledd i ei slik næringskjede forsvinn, forsvinn næringa for andre artar.
Klimaforandringar
Det ser ut til at klimaforandringar fører til færre og færre slangar rundt om i verda.
Foto: ShutterstockHeilt sikre er ikkje forskarane på kva nedgangen skuldast. Ein av årsakane er sannsynlegvis klimaforandringane i verda. Det minkar på antal naturområde i verda og det blir meir forureining. Slangane har opplevd meir sjukdom og mangel på mat dei siste åra.
Det kan også verke som om slangane har hatt uflaks. Det var nemleg i 1998 at talet på slangar byrja å stupe. Ikkje veit ein årsaken til dette, men 1998 var eit veldig varmt år, og det kan vere ein del av årsaken.
Kjelder: nrk.no og jp.dk
Sist endret: 23.07.2010