Besøk Dino-dagen
06. nov 2009 06:00
Søndag opnar Naturhistorisk museum i Oslo dørene for publikum. Då kan du bli med på dinosaursafari, og høyre spennande historier frå Æresnysgjerrigper Jørn Hurum. "Pappaen" til primaten Ida har gjort nye, spennande dinosaur-funn på Svalbard.
Har du lest om monsterøgla som norske forskarar fann på Svalbard? Øgla som var lang som ein buss og hadde tenner store som agurkar? På Dino-dagen avslører forskarar, med Æresnysgjerrigper Jørn Hurum i spissen, nye funn frå Svalbard. Kva har dei på lur denne gongen?
Ida i alle fargar
Dino-dag
Den årlege dinosaurdagen inneheld aktivitetar for store og små.
Tid: Søndag 8. nov. kl. 12 - 15
Stad: Geologisk museum, Tøyen (Oslo)
Den årlege dinosaurdagen vil vise nytt frå utgravingane på Svalbard. Aktivitetar for barn vil mellom anna vere å "farge di eigen IDA".
Du har heilt sikkert høyrt om Ida, den vesle primaten som etter 47 millionar år i stummande mørke, fekk lys, varme og eit nytt liv på Naturhistorisk museum i Oslo. På Dino-dagen kan du studere denne fantastiske skapninga, og du kan fargeleggje ho i dine eigne fargar. På eit papir, vel å merke. Mange spennande Ida-sjablongar ventar på å bli fylte av vakre fargar.
Dino for liten - dino for stor
For dei litt større, kan vi anbefale dinosaursafari i øglehallen. Viss du våger, sjølvsagt! Eller kva med ein kikk på fossila? Du finn både forsteina dinosaurfotspor og fiskeøgleknoklar!
Finn du deg ein stad å sitje, kan du også kose deg med godt lesestoff. Det blir nemleg delt ut Nysgjerrigperblad. Og kva er det blada handlar om? Nettopp: Dinosaurar!
Ha ein fin søndag på Naturhistorisk museum på Tøyen i Oslo - mellom lange agurktenner og store dinosaur-kjevar!
Sist endret: 06.11.2009