Nye sudoku-vinnarar
17. okt 2007 00:00
I dag premierer vi to nye talkunstnarar. Heldige og dyktige sudokuvinnarar får flotte premiar i posten.
Mange prøvde seg på nettsudokuen vår før fristen gjekk ut på fredag, og mange klarte óg å plassere dei 81 tala i dei rette rutene. Nysgjerrigper gratulerer alle som klarte å stokke tala riktig!
Premiar i posten
Vi har plukka ut éin vinnar frå kvar av kategoriane; junior og senior. Elin Aschim Ringstad (9 år) gjekk av med sigeren i junior-klassen, og blant seniorane var det Stig Henning Fredheim (16 år) som trekte det lengste strået. Begge får flotte premiar frå Nysgjerrigper i posten.
Nye brett - nye sjansar
Nye brett ligg no klare på nettsidene våre. Dersom du vil løyse og levere inn både junior- og seniorbrettet, kan du godt gjere det. På den måten blir jo sjansane for at du vinn endå større!
Husk fristen
Frist for innlevering av neste sudoku er fredag 2. november. Dersom du tykkjer at det er kjekt å løyse Nysgjerrigper sine sudoku-brett, er det kjekt om du tipsar andre om det.
Lukke til med hjernetrimmen – kanskje er det nettopp du som blir trekt ut som vinnar neste gong!
Sist endret: 17.10.2007