Kvifor dett brødskiva med pålegget ned?
10. okt 2007 00:00
Kan du litt fysikk, vert små og store irritasjonsmoment i kvardagen raskt skapa om til artige eksperiment.
Har du opplevd at brødskiva vanlegvis landar med pålegget ned viss du mistar henne i bakken? Når du dyttar ei brødskive ned frå eit bord, så begynner ho å snurre, og det er faktisk slik at som regel vil ho snu seg akkurat éin gong på vegen ned til golvet.
Gravitasjon
Kvifor? Bordplata er omtrent éin meter over bakken, og fordi tyngdekrafta er akkurat så sterk som ho er, så snur skiva seg ein gong på ein meter. Prøv sjølv (men kanskje med ei skive utan pålegg)!
Publisert i Nysgjerrigper nr. 3-07
Sist endret: 10.10.2007