FIRST LEGO League-finalen 2006
29. nov 2006 00:00
I år er Västerås i Sverige vertskap for finalen i FIRST LEGO League (FLL). Laurdag 2. desember møtest 37 lag frå heile Skandinavia for å konkurrere i oppgåver knytta til nanoteknologi. Sjå fram til spennande timar rundt robotbana!
Laga som møtest til kappestrid i Västerås, har vore gjennom knallharde kvalifiseringsrunder i heimlanda sine. På laurdag skal dei ulike laga presentere arbeida sine.
Eksempel på ein LEGO-robot. FOTO: Hjernekraft.org Heimelaga robot
Den praktiske delen av oppgåva blir å vise fram ein heimelaga robot som skal løyse ulike oppgåver på robotbana. Roboten er designa, bygd og programmert av deltakarane sjølve.
Oppgåve om nanoteknologi
Både den praktiske og teoretiske oppgåva handlar om nanoteknologi. Oppdagingar innanfor nanoteknologien er absolutt noko som kan forandre kvardagen vår. Kanskje ser verda annleis ut etter finalen i årets FIRST LEGO League?
|
Kva er FIRST LEGO League? |
||||
 |
|
|
|
|
På hjernekraft.org kan du lese meir om FIRST LEGO League og oppgåvene!
100 gongar sterkare
Nanoteknologi er forsking på dei minste byggeklossane i universet. Ein flyttar på atom og molekyl og prøver å bygge nye stoff. Eit eksempel er karbon-nanorøra som vart oppdaga i 1991. Desse røra er berre nokre milliarddels meter breie (nokre få nanometer), men er samtidig opp til 100 gongar sterkare enn stål - og vekta er berre ein seksdel!
Les meir om nanoteknologi på nysgjerrigper.no. Søk i arkivet!
Sist endret: 29.11.2006